Այսօր տեղի է ունեցել «Քաղաքացիական պայմանագիր» կուսակցության հերթական նիստ: ՀՀ վարչապետի աշխատակազմի ղեկավար Էդուարդ Աղաջանյանն «Առաջին լրատվական»- ի հետ զրույցում հավաստիացրեց, որ հատուկ նիստ չի հրավիրվել, այլ տեղի է ունեցել հերթական նիստ, որտեղ քննարկվել են արդի քաղաքական խնդիրները, ինչպես նաև շոշափվել է պաշտոնանկությունների թեման:
Անդրադառնալով դիտարկմանը, որ շատերի կարծիքով իշխանությունը սուղ բացատրություն է տալիս պաշտոնանկությունների վերաբերյալ՝ Էդուարդ Աղաջանյանը նշեց. «Թույլ տվեք չհամաձայնել այդ պնդումներին: Գիտեք, որ թե՛ ոստիկանապետին, թե՛ ԱԱԾ պետին, նշանակում է վարչապետը: Վարչապետը բավականին սպառիչ ներկայացրել է ԱԱԾ տնօրենի ազատման հետ կապված իրավիճակը, ավելացնելու ոչինչ չունեմ: Կարող եմ ասել, որ թե՛ ԱԱԾ տնօրենի, թե՛ ոստիկանապետի պարագայում նման որոշումներ կայացվում են, երբ գործատուն բավարարված չէ տվյալ աշխատակցի աշխատանքով տվյալ պաշտոնում: Դա ամենևին չի նշանակում, որ տվյալ պաշտոնյաները որևէ այլ տեղ չունեն հեռանկար կամ իրենց կարիերան ավարտվում է»:
Կան նաև կարծիք, որ նոր իշխանությունն այդ կադրերին մերժեց և հեռացրերց իր շարքերից: Ի պատասխան այս դիտարկման՝ Է. Աղաջանյանը նշեց, որ Վալերիյ Օսիպյանը նշանակվել է վարչապետի գլխավոր խորհրդական, ըստ այդմ՝ այդ թեզը ևս հերքվում է:
Վարչապետի աշխատակազմի ղեկավարը նաև ընդգծեց, որ վարչապետն է որոշում կայացրել ազատել աշխատանքից և իր գեներալներին հարգալից ձևով աշխատանքից ազատվելու հնարավորություն է տվել: Նրա խոսքով՝ վարչապետը և թիմը զարմացած էին ԱԱԾ արդեն նախկին պետի հայտարարությունից:
Մանրամասն՝ տեսանյութում: