Նոր Զելանդիա տեղափոխված ծագումով Ֆիջիից Մուհամմադ Ռահեշը մեղադրվել է կախարդության և իր հայրենի երկրում հինգ մարդու առեղծվածային սպանության մեջ: Այդ մասին հայտնում է Independent-ը:
Օգոստոսին ոստիկանությունը Նաուսորի հովտում հայտնաբերել էր 63-ամյա Նիրմալ Կումարի, նրա 54-ամյա կնոջ Ուշա Դևիի, նրանց 34-ամյա դստեր՝ Նիլեշնի Քայալի, և թոռների՝ 11-ամյա Սանայի և ութ տարեկան Սամարայի դիերը: Նրանց կողքին հայտնաբերվե է նաև մեկ տարեկան երեխայի՝ նրանց զարմուհի Քայալի: Նա հարազատների մահվանից հետո 36 ժամ մնացել է հովտում: Այժմ աղջկա առողջությանը ոչինչ չի սպառնում:
Տուժածներից մեկի մոտ եղել է կոկա-կլայի դատարկ շիշ, որի վրա պիտակ չի եղել: Դիակների վրա դաժան մահվան հետքեր չեն հայտնաբերվել: Ոստիկանները ենթադրել են, որ մահվան պատճառը թունավորումն է:
Ռահիշը այդ ընտանիքին ծանոթ է եղել Նոր Զելանդիա տեղափոխվելուց տասը տարի առաջ: Ռահիշը իրեն հեքիմ է հռչակել, հայտարարել է, որ գերբնական ունակություններ ունի, և մի քանի տարի շարունակ Դևիին բուժել է որովայնի ուժեղ ցավերից:
Մահացած Քայալի ամուսինը նշել է, որ իր կնոջ ծնողները շատ հետաքրքրված էին կախարդությամբ: Ինքը տեսել է, թե ինչպես են նրանք տիկնիկ պատրաստում խմորից և ասեղներ խրում դրա մեջ: Տղամարդը հավելեց, որ միշտ փորձում էր երեխաներին պաշտպանել այս ծեսերից:
Հանցագործության պահին Մուհամմադ Ռահիշը և նրա կինը այցելել էին իրենց հայրենիք: Երկուշաբթի՝ սեպտեմբերի 16-ին, ոստիկանությունը նրան մեղադրել է սպանության մեջ: Դատավարություն է ընթանում։