Սաուդյան Արաբիայի պաշտպանության նախարարության պաշտոնական ներկայացուցիչ, գնդապետ Թուրքի ալ-Մալիքին պատմել է, որ երկիրը հավաքել է ապացույցներ այն մասին, որ Իրանը մասնակցել է երկրի նավթային օբյեկտների վրա հարձակմանը: Այդ մասին հայտնում է TASS-ը:
Ներկայացուցչի խոսքով՝ իրանական կողմը փորձել է կեղծել տվյալները՝ մեղքը գցելով Եմենի վրա։ Սակայն պարզվել է, որ հարձակումներն իրականացվել են Իրանի օգնությամբ՝ իրանական բարձր ճշգրտությամբ նավարկության հրթիռներ օգտագործելով: Նա նշել է, որ Իրանը 18 հրթիռ է արձակել Saudi Aramco նավթային օբյեկտների վրա, և 7 անօդաչուներ նույնպես մասնակցել են հարձակմանը։
«Անօդաչուները օգտագործել են դիրքավորման առաջատար համակարգ»,- բացատրել է ալ-Մալիքին:
Գնդապետը նշել է, որ հավաքված բոլոր ապացույցները կփոխանցվեն երկրի դաշնակիցներին։
