Ճապոնիայում Sotetsu Bus ընկերությունը գործարկել է երկրում առաջին ինքնակառավարվող ավտոբուսը: Մինչև հոկտեմբերի 14-ը այն կգործի թեստային ռեժիմով, և յուրաքանչյուրը կարող է անվճար երթևեկել դրանով, հաղորդում է motor.ru-ն:
Ավտոբուսի երթուղին դեռևս բավականին համեստ է. դրա երկարությունը կազմում է ընդամենը 900 մ, իսկ առավելագույն արագությունը սահմանափակվում է ժամում շուրջ 20 կմ-ով: Ընկերության ծրագրի համաձայն, այն պետք է օրական 16 ուղևորություն կատարի ժամը 10-ից 16.00-ն ընկած ժամանակահատվածում, երբ ճանապարհներին մեքենաներն այդքան շատ չեն, որքան պիկ ժամերին:
Թեստային ժամանակահատվածը կտևի մինչև հոկտեմբերի 14-ը: Այդ ժամանակ, ապահովության համար, վարորդի խցում նստելու է ընկերության աշխատակիցը, որպեսզի իր ձեռքը վերցնի վերահսկողությունը, եթե անվտանգության հետ կապված խնդիրներ առաջանան:
Թեստի արդյունքների համաձայն ընկերության ղեկավարությունը ցանկանում է մշակել արդեն չորրորդ՝ նախավերջին մակարդակի ինքնավարությամբ ավտոբուսների խմբաքանակը, որը վարորդի կողմից մշտական ուշադրություն չի պահանջում և ի վիճակի է ինքնուրույն վարել տրանսպորտային միջոցը: Այս ավտոբուսները երթևեկելու են լիարժեք երթուղով, ինչպես սովորական հասարակական տրանսպորտը: