Ըստ էության տեսնում ենք ներիշխանական որոշ պրոցեսներ, և դրանց գնահատական տալու համար հայտարարությունները պետք է բացվեն։ Առայժմ հայտարարությունները բացված չեն, ըստ այդմ՝ դժվար է գնահատական տալ ներիշխանական զարգացումներին, ԱԺ ճեպազրույցների ժամանակ այսօր ասաց ԲՀԿ խմբակցության պատգամավոր Արման Աբովյանը՝ անդրադառնալով ԱԱԾ տնօրեն Արթուր Վանեցյանի հրաժարականին։
«Պարզ է, որ կարող ենք երկու կողմերի հայտարարություններում ենթատեքստեր փնտրել, որոշակի եզրակացություններ անել, սակայն մինչև հստակություն չլինի, գնահատական տալը դժվար է», – ասաց նա։
ԲՀԿ խմբակցության մեկ այլ պատգամավոր Իվետա Տոնոյանն իր հերթին ասաց, որ ակնարկների վրա հիմնված դատողություններ անելը ամենալավ ճանապարհը չէ։