Ռուսաստանը, Թուրքիան և Իրանը մերժում են «երկրի վրա» ահաբեկչության դեմ պայքարի պատրվակով նոր իրողություններ ստեղծելու բոլոր փորձերը, ներառյալ ինքնակառավարման անօրինական նախաձեռնությունները և իրենց վճռականությունն են հայտնում դիմակայելու անջատողական ծրագրերին, որոնք ուղղված են խաթարելու Սիրիայում ինքնիշխանությունն ու տարածքային ամբողջականությունը։ Այս մասին ասված է երեք երկրների առաջնորդների համատեղ հայտարարության մեջ՝ Անկարայում տեղի ունեցող բանակցությունների արդյունքներով, հաղորդում է РИА Новости-ն։
«Կողմերը քննարկել են Սիրիայի հյուսիս-արևելքում տիրող իրավիճակը, ընդգծել են, որ այդ շրջանում կայունության և անվտանգության կարող են հասնել միայն երկրի ինքնիշխանության և տարածքային ամբողջականության նկատմամբ հարգանքի հիման վրա և համաձայնել են այդ նպատակով համակարգել իրենց ջանքերը», – նշված է հրապարակված փաստաթղթում:
Բացի այդ, հայտարարության մեջ նշվում է, որ երկրների ղեկավարները դիտարկել են Իդլիբի դեէսկալացիոն գոտում տիրող իրավիճակը և մտահոգություն են հայտնել այդ գոտում և դրա շուրջ մարդասիրական իրավիճակի հետագա վատթարացման ռիսկի վերաբերյալ։ Կողմերը համաձայնության են եկել կոնկրետ միջոցներ ձեռնարկել խախտումների թիվը նվազեցնելու համար: