ԱՄՆ իշխանությունները հայտարարել են, որ Իրաքը ներքաշված չէ սեպտեմբերի 14-ին Սաուդյան նավթավերամշակման գործարանների վրա անօդաչուների հարձակումների մեջ։ Այս մասին հայտնում է RIA Movosti-ն՝ հղում անելով ԱՄՆ պետքարտուղար Մայք Պոմպեոյին:
Վաշինգտոնի տեղեկությունների համաձայն՝ Իրաքի տարածքում բաց չեն թողնվել անօդաչու սարքեր:
Իրաքի վարչապետ Ադիլ Աբդուլ-Մահդին հայտարարել է, որ Բաղդադը թույլ չի տա, որ արտաքին տերությունները օգտագործեն իրենց տարածքը հարևան երկրների վրա հարձակվելու համար և ձգտում է տարածաշրջանում հակամարտության դեէսկալացիային:
Իրաքի իշխանությունները հերքել են հարձակումներին իրենց ներգրավվածություն։