Սեպտեմբերի 2-ին կայացել է Բորիս Նեմցովի «Խռովարարի խոստովանությունը» գրքի հայերեն թարգմանության շնորհանդեսը: Ռուս քաղաքական գործչի մասին գիրքը թարգմանել և հրատարակել է «ԳրաՏուն» հրատարակչությունը:
Գիրքը սկսվում է Նեմցովի հետևյալ տողերով. «Ես սկսում եմ քաղաքական պայքար, քանի որ համաձայն չեմ այն քաղաքական կուրսի հետ, որը վարում է Ռուսաստանի նախագահը։ Համաձայն չեմ սուվերեն դեմոկրատիայի, նրա ցենզուրայի, դաժանության և ցինիզմի հետ»։
Թարգմանությունը ռուսերենից իրականացել է հրատարակչության համահիմնադիր Մարիամ Մարտիրոսյանը, թարգմանությունը տևել է 3 ամիս: Գիրքը միանգամից մեծ հետաքրքրություն առաջացրել նաև առցանց հարթակում․ արձագանքել է Նեմցովի ավագ դուստր Ժաննան,Նեմցովի անվան ֆոնդը, թանգարանը, տարբեր հասարակական խմբեր:
Երեւանում շնորհանդեսը մեկնարկել է Ժաննա Նեմցովայի ուղարկած տեսաուղերձով:
Արևմտյան դեմոկրատ քաղաքական գործիչներից, սովորելու շատ բան կա, սակայն նույնչափ կամ էլ ավելի մեծ հարգանքի արժանի է Նեմցովը, որը համարձակվել է տարբերվել, դեմ գնալ ընդունված քաղաքական ռեժիմին, ազատ արտահայտել մտքերը, խոսել հեռուսատատեսության, գրականության, մամուլի, քաղաքական նախասիրությունների ազատության մասին: Ռուս պետական, քաղաքական գործչի մասին գիրքն արդեն վաճառքում է բոլոր գրախանութներում է, նախատեսվում է հոկտեմբերին իրականացնել գրքի քննարկում:
