Այսօր՝ սեպտեմբերի 16-ին, Ազգային ժողովում շարունակվում են աշխատանքները: Այժմ քննարկվում է Վարչական իրավախախտումների մասին օրենքում կատարելու մասին հարցը:
Ինչպես ներկայացրեց «Իմ քայլը» խմբակցության պատգամավոր Նիկոլայ Բաղդասարյանը՝ երթևեկության խախտումների տուգանքները բողոքարկելու համար մինչև դատարան հասնելը քաղաքացին պետք է դիմի ըստ վերադասության՝ վարչական մարմին։
Պատգամավորն առաջարկում է նաև այս նախագծով թեթևացնել վարչական դատարանների ծանրաբեռնվածությունը։
«Պատկերացրեք, որ մի վարչական ակտ պետք է բողոքարկես, պետավտոտեսուչը Ձեզ տուգանել է 4000 դրամ, բայց դու սպասում ես 2-3 տարի, մինչև էդ հարցի պատասխանը ստանաս»,- նշեց Բաղդասարյանը։
Առաջարկվում է նաև, որ բողոքարկումները դիտարկող վարչական մարմինն իր եզրակացությունը տա ոչ թե 30, այլ 15 օրում, ինչից հետո քաղաքացին, եթե համաձայն չէ, կարող է դիմել դատարան։
Մանրամասները՝ տեսանյութում: