Հայտնի արևմտյան սրտաբան Ստեֆան Հանդրիխն իր «Բույսերի պարադոքսը» գրքում պնդում է, որ լոլիկ ուտելը կարող է բացասաբար ազդել մարդու առողջության վրա: Գիտնականի խոսքերով, լոլիկը կարող է քայքայիչ ազդեցություն ունենալ օրգանիզմի բջիջներում:
Մենք հաճախ ենք լսում, որ լոլիկի օգտագործումը դրական է ազդում մարդու օրգանիզմի վրա և քաղցկեղի կանխարգելիչ միջոց է: Հայտնի է, որ լոլիկը պարունակում է լիկոպեն նյութը, որն օրգանիզմում չի արտադրվում և այն կարելի է ստանալ միայն արտաքին աղբյուրներից, սովորաբար՝ սննդից: Լիկոպենը հայտնի է քաղցկեղային ուռուցքների առաջացմանը հանգեցնող գործընթացները կանխելու հատկությամբ:
Սրտաբան Սթիվեն Հանդրիխը նշում է, որ լիկոպենից բացի, լոլիկները պարունակում են նաև լեկտիններ, սպիտակուցի մի տեսակ, որը բույսերն արտադրում են, որպեսզի պաշտպանվեն վնասատուներից: Հետազոտողը պնդում է, որ լոլիկը մարդու համար վտանգավոր է հենց լեկտինների պատճառով:
Նրա խոսքերով, հայտնվելով մարդու օրգանիզմում, այս նյութերն ակտիվացնում են բորբոքային պրոցեսներ առաջացնող մեխանիզմները, որոնք կապված են բազմաթիվ վտանգավոր հիվանդությունների զարգացման հետ:
«Լեկտինները հարձակվում են բջիջների վրա: Դրանք ունակ են ոչնչացնել բջիջների ոչ միայն վնասակար, այլև բացարձակապես առողջ ծրագրերը»,- հայտարարել է հետազոտողը:
Սթիվեն Հանդրիխը պնդում է, որ այդ պատճառով լոլիկի օգտագործումը կարող է հանգեցնել ուղեղի գործունեության թուլացմանը, մաշկի վրա ցաների առաջացմանը, քրոնիկ հոգնածության համախտանիշի և ճաղատության: Նա համոզված է. ավելի լավ էլոլիկից հրաժարվել: