2018 թվականին իրենց հորը սպանած Խաչատուրյան քույրերի մայրը՝ Աուրելիա Դունդուկը, հարցազրույցում հայտարարել է, որ սպանվածը գազան է եղել, և ինքը բոլորովին չի ափսոսում նրա մահվան համար: Այս մասին հաղորդում է НТВ-ն:
Կինը գնացել է ստուդիա՝ մասնակցելու «Կենտրոնական հեռուստատեսություն» ծրագրին, և պատմել է, թե կա՞ն արդյոք շանսեր, որ իր դուստրերը ազատվեն քրեական պատասխանատվությունից:
Նրա խոսքով՝ շանսեր հաստատ կան, քանի որ հետաքննությունը ընդունել է քույրերի նկատմամբ սեքսուալ հանցագործությունների և խոշտանգումների փաստերը:
«Նրանք փրկել են իրենց կյանքը: Ես հուսով եմ, որ գործը կկարճվի»,- նշել է Դունդուկը:
Նա հավելել է, որ նրանք, ովքեր լավ բաներ են ասում սպանվածի մասին, ուղղակի չեն կարող հավատալ, որ նա եղել է կատարյալ չարիք:
Կինն ընդգծել է, որ չի կարողանում հասկանալ նրանց, ովքեր պաշտպանում են Խաչատուրյանների հորը, քանի որ նա մարդ չի եղել:
