ԱՄՆ Կենտրոնական հետախուզական վարչությունը հրապարակել է փաստաթղթեր Սառը պատերազմի տարիներին ԽՍՀՄ-ում կենդանիներին լրտեսական առաքելության իրականացմանը նախապատրաստելու ծրագրի մասին: Ինչպես գրում է AFP-ը՝ վկայակոչելով փաստաթղթերը, դրանում պարունակվում է տեղեկատվություն կատուների, շների, դելֆինների և թռչունների փորձարկման մասին:
Oxygas և Chirilogy նախագծերի շրջանակում ԿՀՎ-ն պարզել է՝ հնարավո՞ր է արդյոք դելֆիններին սովորեցնել պայթուցիկ տեղադրել նավերում, հիդրոակուստիկ բույեր տեղադրել խորհրդային նավահանգիստներում կամ ուղեկցել սուզանավերին՝ հավաքելու համար դրանց ակուստիկ բնութագրիչները:
Հատուկ ուշադրություն է հատկացվել թռչուններին՝ աղավնիներին, բուերին, ագռավներին և ճուռակներին: ԿՀՎ-ն ներգրավել է թռչնաբաններին՝ գտնելու համար թռչունների, որոնք տարվա մի մասը պարբերաբար անցկացրել են Սարատովի շրջանի Շիխանիում, որտեղ գտնվում է ռազմաքիմիական հրաձգարանը:
Նշվում է, որ ամերիկյան հետախուզությունը թռչուններին դիտարկել է որպես «կենդանի հաղորդիչներ», որոնց կերակուրից կարելի էր պարզել, թե ինչ նյութեր է փորձարկում ԽՍՀՄ-ը: 1970-ականների սկզբին ԿՀՎ-ն դիտարկել է գիշատիչ թռչունների և ագռավների օգտագործումը լսող սարքեր հասցնելու, ինչպես նաև լուսանկարներ ստանալու համար:
