Սեպտեմբերի 22-ին Լոս Անջելեսում սպասվում է վարչապետ Նիկոլ Փաշինյանի հանդիպումը հայ համայնքի ներկայացուցիչների հետ: Ինչպիսի ազդեցություն կունենա դա վարչապետի՝ Ստեփանակերտում ազդարարած համահայկական օրակարգի վրա: «Խանադավառություն առաջացավ… Առաջին հերթին դրական ներշնչում, ոգեշնչում կլինի հայազգի ներկայացուցիչների համար»,- «Առաջին լրատվական»-ի հետ զրույցում այս մասին ասաց «ՌեԱնիմանիա» Երևանի միջազգային անիմացիոն կինոփառատոնի հիմնադիր տնօրեն, նկարիչ Վրեժ Քասունին: Նրա խոսքով՝ համահայկական կոնցեպտը կարևոր գործոն է. «Արդեն միացումն ինքնին կա, բայց գործնական գետնի վրա դա խորացնելը, հայության համախմբումը զորացնելը և միջազգային քաղաքական ասպարեզում տարբեր երկրներին ներկայացնելը շատ կարևոր է, որովհետև ամենավտանգավորը մեր երկրի գլխին կարող է գալ այն ժամանակ, երբ հանկարծ պառակտում տեղի ունենա: Պատմության ընթացքում միշտ հակառակն ենք ցույց տվել, մենք ամենաթեժ պահերին միշտ միավորվել ենք: Հայության միավորման գաղափարը շարունակական է»:
Վրեժ Քասունիի դիտարկմամբ՝ Թուրքիայում ապրող հայերն իրենց Սփյուռք չեն համարում: Նրա խոսքով՝ Հայ դատի հարցը սկսվել և ավարտվելու է Ստամբուլում. «Հայ դատի ամենամեծ հարվածը կլինի Պոլսում»:
Մեր զրուցակցի կարծիքով՝ անհրաժեշտության կա, որ Սփյուռքը վերակառուցվի և փոխվի: Նրա խոսքով՝ Սփյուռքը պետք է նաև հայաստանյան ընտրություններին մասնակցելու իրավունք ստանա:
Մանրամասն՝ տեսանյութում: