Այսօր՝ սեպտեմբերի 13-ին, Ազգային ժողովում շարունակվում են աշխատանքները: Այժմ քննարկվում է «Լուսավոր Հայաստան» խմբակցության կողմից ներկայացված՝ ԱԺ Կանոնակարգ սահմանադրական օրենքում փոփոխություններ և լրացումներ կատարելու մասին հարցը:
Ինչպես ասաց խմբակցության պատգամավոր Կարեն Սիմոնյանը՝ փոփոխությունը հնարավորություն է տալիս հանձնաժողովների աշխատանքը դարձնել ավելի արդյունավետ և չափելի:
«Ճի՞շտ է, որ այս նախագծի հիմնական հեղինակը արդեն ձեր ֆրակցիայի անդամ չհանդիսացող, իսկ պատրաստման պահին՝ հանդիսացող պատգամավոր Արման Բաբաջանյանն է: Եվ դուք էթիկական որևէ խնդիր չե՞ք տեսնում, որ նախագիծը ներկայացվի «Լուսավոր Հայաստան» խմբակցության կողմից»,- Կարեն Սիմոնյանին հարցրեց «Իմ քայլը» խմբակցության պատգամավոր Սուրեն Գրիգորյանը:
Ի պատասխան Կարեն Սիմոնյանն ասաց. «Իհարկե, նախագծի հեղինակը պարոն Բաբաջանյանն է, սակայն օրենքի տեսք է ստացել ֆրակցիայի միջոցով»:
Մանրամասները՝ տեսանյութում:
