Թաիլանդում, Բոնբոն անունով հավատարիմ շունը կորել է բենզալցակայանում և չորս տարի սպասել իր տերերին, հաղորդում է AsiaOne տեղեկատվական պորտալը:
Շունը, որին տեղացիները Լեո էին անվանում, այդ տարիներին թափառել է ճանապարհի երկայնքով: Կինը նկատել է անօթևան, հյուծված կենդանուն և սկսել է կերակրել նրան: Նա փորձել է ապաստան տալ շանը, բայց հավատարիմ կենդանին վերադարձել է ճամփեզր և շարունակել սպասել իր տիրոջը:
Թայլանդցիները որոշել են օգնել շանը գտնելու տերերին և կենդանու լուսանկարները տարածել են սոցցանցերում: Շուտով մի ընտանիք կապ է հաստատել և ուղարկել Բոնբոնի կորելու մասին հին հայտարարությունը:
Բոնբոնի տերը բացատրել է, որ չորս տարի առաջ եկել է հարազատներին տեսակցության: Շունն անհետացել է, երբ նա վերալիցքավորում էր մեքենան: Ընտանիքը բազմիցս որոնել է շանը տեղի ճանապարհներին, բայց ապարդյուն:
Սեպտեմբերի 9-ին տղամարդը հանդիպել է իր շանը: Սեպտեմբերի 14-ին նա նախատեսում է նախքան կենդանուն տուն տանելը նրան տանել անասնաբուժական կլինիկա՝ հետազոտության:
