Այսօր՝ սեպտեմբերի 13-ին, Ազգային ժողովում շարունակվում են աշխատանքները: Այժմ քննարկվում է Ազգային անվտանգության մարմիններում ծառայության մասին օրենքում փոփոխություն կատարելու մասին հարցը:
Ինչպես ասաց «Լուսավոր Հայաստան» խմբակցության պատգամավոր Տարոն Սիմոնյանը, առաջարկվում է, որ ԱԱԾ կամ ոստիկանության ղեկավար անձինք նշանակվեն՝ հաշվի առնելով այն չափանիշները, որոնք դրված են պատգամավորների առջև: «Այսինքն՝ ԱԱԾ պետի և ոստիկանապետի նշանակման չափանիշները պետք է նույնացվեն պատգամավորների չափանիշներին»,- պարզաբանեց նա:
«Մենք 90-ականներին ունեինք այս իրավիճակը, երբ այս պաշտոններին նշանակվում էին քաղաքական թիմի ներկայացուցիչներ, և պատճառն էր հասկանալի էր՝ պետք էր թոթափվել խորհրդային ժառանգությունից: Հաշվի առնելով 90-ական թվականներին տեղի ունեցած, շատերի գնահատմամբ՝ դառը, շատերիս համար ընդունելի վիճակները, ռիսկերը հաշվարկվե՞լ են»,- Տարոն Սիմոնյանին հարցրեց պատգամավոր Արման Բաբաջանյանը:
Նրա խոսքով՝ ի սկզբանե, երբ «Լուսավոր Հայաստանը» հանդես էր գալիս նման առաջարկով, մտածել է, որ դա ավելի շահեկան է իշխող թիմի համար. «Ես ուզում եմ մոտիվը հասկանալ՝ ինչո՞ւ է «Լուսավոր Հայաստանը» հանդես գալիս այս առաջարկով»:
Արձագանքելով պատասխանին՝ Արման Բաբաջանյանը հարցրեց. «Ձեր խոսքից կարելի՞ է ենթադրել, որ ԱԱԾ-ում և ոստիկանությունում գործող կարգը չի բավարարում համակարգին, և այն անհրաժեշտ է փոխել»:
Մանրամասները՝ տեսանյութում:
