Այսօր՝ սեպտեմբերի 13-ին, Ազգային ժողովում շարունակվում են աշխատանքները: Այժմ քննարկվում է Ազգային անվտանգության մարմիններում ծառայության մասին օրենքում փոփոխություն կատարելու մասին հարցը:
Ինչպես ասաց «Լուսավոր Հայաստան» խմբակցության պատգամավոր Տարոն Սիմոնյանը, առաջարկվում է, որ ԱԱԾ կամ ոստիկանության ղեկավար անձինք նշանակվեն՝ հաշվի առնելով այն չափանիշները, որոնք դրված են պատգամավորների առջև: «Այսինքն՝ ԱԱԾ պետի և ոստիկանապետի նշանակման չափանիշները պետք է նույնացվեն պատգամավորների չափանիշներին»,- պարզաբանեց նա:
«Եթե իշխող քաղաքական ուժը որոշի խիստ քաղաքականացված և կուսակցականացված Քրիստինե Պողոսյանին նշանակել ոստիկանապետ. ինչպե՞ս դրան կվերաբերվեք Դուք անձամբ և «Լուսավոր Հայաստան» խմբակցությունը»,- Տարոն Սիմոնյանին հարցրեց «Իմ քայլը» խմբակցության պատգամավոր Քրիստինե Պողոսյանը:
Ի պատասխան՝ Տարոն Սիմոնյանն ասաց. «Ծափողջույններով»:
«Եթե ես լինեմ ոստիկանապետ՝ ընդդիմանաք-չընդդիմանաք, էլ ոչինչ չի փոխվելու. դուք կարևոր գործիք եք տալիս իշխանությանը»,- ասաց Քրիստինե Պողոսյանը:
Մանրամասները՝ տեսանյութում: