ԱՄՆ-ը վերածվում Է օլիգարխիական տիպի պետության, որտեղ նախագահ Դոնալդ Թրամփի նման միլիարդատերերը վերահսկում են տնտեսական և քաղաքական կյանքը: Սեպտեմբերի 12-ին այդ մասին հայտարարել Է Վերմոնտի նահանգից սենատոր Բեռնի Սանդերսը՝ ելույթ ունենալով 2020 թականի ընտրություններում, ԱՄՆ-ի նախագահի պաշտոնի համար Դեմոկրատական կուսակցությունից թեկնածուի առաջադրման հավակնորդների երրորդ հեռուստաբանավեճում: Հյուսթոնից (Տեխասի նահանգ) հեռարձակումը վարել Է ABC հեռուստաընկերությունը։
«Ավելորդ Է ասել, որ մենք պետք Է հաղթահարենք և կհաղթահարենք Թրամփին՝ ամենավտանգավոր նախագահին մեր երկրի պատմության մեջ»,- ասել Է նա:
«Սակայն մենք ունակ ենք ավելիին: Մենք պետք Է խոստովանենք, որ մեր երկիրը վերածվում Է օլիգարխիական տիպի հասարակության, որտեղ մի խումբ միլիարդատերեր վերահսկում են տնտեսական և քաղաքական կյանքը: Եվ ես, երբ նախագահ դառնամ, պատրաստ եմ մարտահրավեր նետելու նրանց»,- հայտարարել Է Սանդերսը, հաղորդել Է ՏԱՍՍ-ը: