Այսօր՝ սեպտեմբերի 13-ին, Ազգային ժողովում շարունակվում են աշխատանքները: Այժմ քննարկվում է Քրեական օրենսգրքում լրացում կատարելու և Վարչական իրավախախտումների մասին օրենքում փոփոխություններ կատարելու մասին օրենքների նախագծերի փաթեթը 2-րդ ընթերցմամբ ընդունելու մասին հարցը:
«Իմ քայլը» խմբակցության պատգամավոր Սասուն Միքայելյանը, դիմելով նախագծի հեղինակ՝ «Բարգավաճ Հայաստան» խմբակցության պատգամավոր Նաիրա Զոհրաբյանին, ասաց. «Տիկին Զոհրաբյան, ողջունում եմ Ձեր կենդանասիրությունը: Օրինագիծը, կարծում եմ, ժամանակավրեպ է: Ավելի լավ չէ՞ր լինի, որ մենք հանդես գայինք կենդանիների պահման տարածքների ստեղծմամբ, որպեսզի ահազանգի դեպքում կարողանային կենդանիներին հավաքել»:
Նրա խոսքով՝ սոցիալական վիճակից դրդված մարդիկ իրենց շներին բաց են թողնում. «Իմ շատ հարգարժան Անդրանիկ Քոչարյանը հարց ա տալիս՝ եթե գիշերը շունը հարձակվի իմ վրա, ես ի՞նչ պետք ա անեմ, ասում եմ՝ պիտի կանգնես՝ կծի էթա, ուրիշ բան չես կարա անես»:
Մանրամասները՝ տեսանյութում:
