ԱՄՆ նախագահ Դոնալդ Թրամփին հիացրել է Եվրոպական Կենտրոնական բանկի (ԵԿԲ)`ավանդների տոկոսադրույքը մինչև մինուս 0,5 տոկոս իջեցնելու մասին որոշումը: Նա Twitter-ում գրել է, որ ԵԿԲ-ն արագ է գործում և հաջողում է՝ նվազեցնելով եվրոն դոլարի նկատմամբ:
«Նրանց վարկի դիմաց վճարում են, մինչ մենք տոկոսներ ենք վճարում»,- նշել է Թրամփը՝ ևս մեկ անգամ հորդորելով Դաշնային պահուստին հետևել ԵԿԲ օրինակին:
Եվրոպական կարգավորիչը արդարացրել է տոկոսադրույքների վերաբերյալ վերլուծաբանների մեծ մասի սպասումները: Մինուս 0,4 տոկոս մակարդակի վրա նա գոյատևում է 2016-ի մարտից ի վեր: Վարկի հիմնական տոկոսադրույքը մնացել է զրոյական մակարդակի վրա: ԵԿԲ տնօրենների խորհուրդը նշել է, որ դրույքաչափերը չեն բարձրանա այնքան ժամանակ, քանի դեռ գնաճը չի հասնի երկու տոկոս թիրախայինի:
Մինչդեռ վերլուծաբանները նշում են, որ ԵԿԲ կարգավորող քաղաքականությունը երկարաժամկետ հեռանկարում սպառնում է Եվրոպայի ֆինանսական համակարգի ոչնչացմանը: Deutsche Bank-ը նշել է, որ ավանդների բացասական տոկոսադրույքը մեծ կորուստներ է բերում բանկերին: 2014 թվականից եվրոպական վարկային կազմակերպությունների կորուստները գնահատվում են 23 միլիարդ եվրո:
