Այսօր՝ սեպտեմբերի 12-ին, Ազգային ժողովում շարունակվում են աշխատանքները: Այժմ քննարկվում է Ավիացիոն պատահարների և լուրջ միջադեպերի քննության միջազգային բյուրոյի ստեղծման և գործունեության մասին համաձայնագիրը վավերացնելու մասին օրենքի նախագիծը:
«Ապոկալիպտիկ է ցանկացած քայլ, որ արվում է ընդդեմ մեր ինքնիշխանության: Մենք այս խորհրդարանով քայլ ենք անում, որը հերթական հարվածն է հասցնում մեր ինքնիշխանությանը, մեր անկախությանը»,- իր ելույթում հայտարարեց պատգամավոր Արման Բաբաջանյանը:
Նա հավելեց. «Մենք քննարկում ենք մի համաձայնագիր, որը վերաբերում է մի երկրի, որի հետ մենք ունենք դեռևս չհասկացվածություն, մի երկրի, որի հետ «Գույք՝ պարտքի դիմաց» ենք ձևակերպել, որի տակից 10 տարուց ավելի է՝ չենք կարողանում դուրս գալ: Ես դեմ չեմ այս համաձայնագրի շրջանակներում ռուսների հետ համագործակցությանը, բայց ես չեմ կարողանում հասկանալ, թե ինչո՞ւ դա չենք կարող անել ազգային հետաքննական բյուրո ստեղծելուց հետո: Եկեք ձեռնամուխ լինենք ստեղծելու մեր բյուրոն, հետո գնացեք ինչքան ուզում եք ռուսների, ֆրանսիացիների ու ամերիկացիների հետ համագործակցեք: Բայց հերթական լծակը մի տվեք ռուսներին և հետո այստեղ խոսեք անկախությունից ու սուվերենությունից: Սա անթույլատրելի է: Ի վերջո՝ ինչի՞ համար էր այն հեղափոխությունը, որ արվեց, և այն ժողովրդավարությունը, որ հիմա ունենք, եթե այդ հեղափոխությունն ու ժողովրդավարությունը չպիտի ծառայեն մեր ինքնիշխանությանն ու սուվերենությանը, ո՞ւմ համար էին այդ ձեռքբերումները»:
Մանրամասները՝ տեսանյութում: