Լուրեր
Ռիսկեր չե՞ք տեսնում. Սա հավելյալ գործիք է լինելու ռուսների ձեռքին. Արման Բաբաջանյանը՝ փոխնախարարին
  • 18:22
  • 2019-09-12
  • Դիտումներ՝ *

Այսօր՝ սեպտեմբերի 12-ին, Ազգային ժողովում շարունակվում են աշխատանքները: Այժմ քննարկվում է Ավիացիոն պատահարների և լուրջ միջադեպերի քննության միջազգային բյուրոյի ստեղծման և գործունեության մասին համաձայնագիրը վավերացնելու մասին օրենքի նախագիծը:

«Այն իրողությունները, որ տեղի են ունենում միջազգային գետնի վրա, և այն անվստահությունը Ռուսաստանի նկատմամբ՝ այդ թվում նաև այն հայտնի ավիացիոն քննությունը, որ տեղի ունեցավ ՄԳ-17 ինքնաթիռի խոցման և դրա արդյունքում մի քանի հարյուր քաղաքացիների զոհվելու հանգամանքները ուսումնասիրելու արդյունքում, այսպիսի որոշում ընդունելիս հաշվի առե՞լ ենք»,- տարածքային կառավարման և ենթակառուցվածքների նախարարի տեղակալ Արմեն Սիմոնյանին հարցրեց պատգամավոր Արման Բաբաջանյանը:

Նրա խոսքով՝ այս համագործակցությամբ մենք ուղերձ ենք հղում մեր արևմտյան գործընկերներին՝ առանց նրանց հետ խորհրդակցելու, այլ հնարավորություններ փնտրելու. «Միանգամից էսպես տրվում ենք ռուսներին: Չե՞ք կարծում, որ սա ավելորդ ռիսկեր է առաջացնում և կարող է շատ վատ հետևանքներ ունենալ: Ես ձեզ ասեմ, որ Ղրղըզստանը, Ղազախստանը հետաքրքրված չեն, նրանք ուզում են իրենց ազգային բյուրոները ստեղծել, և իրենք են ուզում զբաղվել իրենց հետաքննությամբ, որովհետև սա հավելյալ գործիք է տալու ռուսներին՝ այդ երկրների գլխին ամեն անգամ վերահսկելու ավիացիոն պատահարների և լուրջ միջադեպերի քննության հարցերը դիտարկելիս»:

Պատգամավորը իր հարցը պարզաբանեց. «Ուսումնասիրե՞լ եք, որ այս ոլորտում ևս ռուսները հուսալի գործընկեր չեն, և մենք ռիսկեր ենք առաջացնում այս համագործակցությամբ և այս կարևոր գործիքը ռուսներին վստահելով»:

 

Մանրամասները՝ տեսանյութում:

  • Դիտումներ՝ *