Այսօր՝ սեպտեմբերի 12-ին, Ազգային ժողովում շարունակվում են աշխատանքները: Այժմ քննարկվում է ԱԺ կանոնակարգ սահմանադրական օրենքում լրացումներ կատարելու մասին օրենքի նախագիծը 2-րդ ընթերցմամբ ընդունելու մասին հարցը:
«Հենց հիմա մենք ձևավորում ենք երեք ինքնավար մարմնի ձևավորման մեխանիզմ և կարծես թե մրցութային կարգի վերաբերյալ մտավախությունն առաջանում է այդ երեքից միայն մեկի դեպքում: Այդ կարգը ավելորդ չարչրկվածություն է, հարցի ավելորդ երկարաձգում է: Մի անգամ փորձել է խորհրդարանը, և դա չի արդարացրել»,- ի պատասխան պատգամավոր Արման Բաբաջանյանի ելույթի հայտարարեց օրենքի նախագծի հեղինակ՝ ԱԺ նախագահ Արարատ Միրզոյանը:
ԱԺ նախագահը հավելեց. «Ես վստահ եմ, որ մենք ճիշտ քայլ ենք անում, որ հրաժարվում ենք այդ մեխանիզմներից, ես վստահ եմ, որ մենք ճիշտ քայլ ենք անում, որ խորհրդարանի դերը կտրուկ մեծացնում ենք ինքնավար մարմինների ձևավորման գործում, ես վստահ եմ, որ մենք ճիշտ քայլ ենք անում, որ ընդունում ենք նաև «Լուսավոր Հայաստանի» առաջարկը՝ հատկապես կոռուպցիայի կանխարգելման դեպքում, որի դեպքում կարևոր է, որ այն չլինի իշխանական որևէ ազդեցության ներքո, հատկապես էս մարմնի դեպքում էականորեն մեծացնում ենք ընդդիմադիր ֆրակցիաների դերը: Սա միանգամայն ճիշտ ճանապարհ է, մենք գնում ենք ճիշտ ուղով»:
Մանրամասները՝ տեսանյութում: