Այսօր՝ սեպտեմբերի 11-ին, Ազգային ժողովում շարունակվում են աշխատանքները: Այժմ քննարկվում է ԱԺ կանոնակարգ սահմանադրական օրենքում լրացումներ կատարելու մասին օրենքի նախագիծը 2-րդ ընթերցմամբ ընդունելու մասին հարցը:
«Միանշանակ չեմ կիսում պարոն Բաբաջանյանի կարծիքը առ այն, որ այս հանձնաժողովը ըստ էության չի կարողանալու իր առջև դրված խնդիրները լուծել»,- հայտարարեց «Լուսավոր Հայաստան» խմբակցության պատգամավոր Տարոն Սիմոնյանը:
Նրա խոսքով՝ բոլոր քաղաքակիրթ հասարակություններում նման համապետական մարմինները ձևավորվում են քաղաքական կոնսենսուսի արդյունքում. «Ես ուրախությամբ պետք է նշեմ, որ այդ քաղաքական կոնսենսուսը մեր քաղաքական ուժերի միջև տեղի է ունեցել, ինչը փոխզսպումների լավագույն դրսևորումներից մեկն էր»:
Տարոն Սիմոնյանը նշեց, որ նախագծի հեղինակի կողմից ընդունված իրենց առաջարկությունը իրենց համար եղել է սկզբունքային. «Ուստի մենք համաձայնել ենք քվեարկել այս նախագծի օգտին»:
Մանրամասները՝ տեսանյութում: