Մահացել է հայտնի դերասան Ջեֆ Ֆենհոլթը, որը «Հիսուս Քրիստոս. Գերաստղ» մյուզիքլի գլխավոր դերակատարն է:
Ըստ TMZ-ի՝ Ֆենհոլթը մահացել է 69-րդ տարեդարձից 5 օր առաջ և վերջերս որոշակի առողջական խնդիրներ է ունեցել: Դերասանին մահացած են գտել սեփական տանը, բայց իրավապահները բացառում են մահվան հանցավոր պատճառները:
Ֆենհոլթը հայտնի է դարձել 1971-ի հոկտեմբերին, երբ Էնդրյու Լլոյդ Ուեբերի մյուզիքլի դեբյուտը կայացավ Բրոդվեյում: Դրանից անմիջապես հետո Time ամսագիրը նրա փշե պսակով պատկերը տեղադրեց շապիկին:
Հետագայում Ջեֆը հայտնի դարձավ նաև որպես քրիստոնեության պաշտպան: Դերասանը խոստովանել է, որ հավատն օգնել է նրան ազատվել թմրանյութերից և ալկոհոլային կախվածությունից: