Լուրեր
Քոչարյանի գործով ցանկացած բացասական զարգացում խոսելու է ՀՀ իշխանության ապիկարության մասին
  • 13:00
  • 2019-09-12
  • Դիտումներ՝ *

Օրերս Արցախում կայացան ՏԻՄ ընտրություններ, ինչո՞վ դրանք տարբերվեցին, կայի՞ն առանցքային տարբերություններ նախորդ ընտրությունների համեմատ․ «Առաջին լրատվական»-ի հարցին Արցախի «Միացյալ Հայաստան» կուսակցության նախագահ Վահան Բադասյանը պատասխանեց․ «Արցախում առաջին ՏԻՄ ընտրությունները տեղի են ունեցել 1998 թվականին։ Դա, երևի թե, գոյություն ունեցող ամենակոպիտ ընտրությունն էր, երբ խախտվում էր ամենատարրական կանոնները, որտեղ օգտագործվում էին իշխանության լծակները։ Արդեն սկսած 2000 թվականից՝ համապետական և ՏԻՄ ընտրությունների արդյունքները կեղծվում էին։ Հեղափոխությունից հետո Արցախի ներկայիս իշխանությունները մի քանի միջոցառումներ կատարեցին, որպեսզի կարողանան իրենց իշխանությունը պահպանել ու վերարտադրվել։ Սակայն Նիկոլ Փաշինյանի օգոստոսի 5-ի հայտարարությունը, որ Հայաստանի իշխանություններն ամեն ինչ անելու են, որպեսզի ընտրություններն ընթանան ազատ կամային արտահայտությամբ և առանց խոչընդոտների ու կեղծումների։ Սա իր արդյունքը տվեց։ Նաև ժողովուրդը հասկացավ, որ «Չարի վերջը» պատմության նման աղվեսը կացին չունի։ Կարող ենք ասել, որ վերջին 20 տարվա մեջ առաջին անգամ տեղի ունեցան ազատ և արդար ընտրություններ։ Եթե որևէ տեղ էլ ընտրվել են համայնքի նախկին ղեկավարները, որոնք մաս են կազմել իշխանության, ուրեմն կարող ենք հստակ ասել, որ նա ընտրողներին արժանի է»։

Իսկ ի՞նչ կանխատեսումներ ունեք Արցախում սպասվող համապետական ընտրությունների վերաբերյալ «Առաջին լրատվական»-ի հարցին․ Վահան Բադասյանը պատասխանեց․

«Եթե այսպես շարունակվի, ապա ես կարծում եմ, որ համապետական ընտրությունները լինելու են մեկ քայլ առաջ, և ընտրողն արդեն հստակ իմանալու է, թե ինքը որ թեկնածուներին է ընտրում։ Իսկապես, իրավիճակն արդեն փոխված է և Արցախի ներկայիս իշխանությունները չեն կարող ազդել մարդկանց ազատ կամարտահայտության վրա»։

 

Մանրամասները՝ տեսանյութում։

  • Դիտումներ՝ *