Լուրեր
Ինչո՞ւ եք «Լիդիանին» տրված լիցենզիայի համար Դուք պատասխանատվություն ստանձնում. Արման Բաբաջանյանը՝ վարչապետին
  • 17:23
  • 2019-09-11
  • Դիտումներ՝ *

Այսօր՝ սեպտեմբերի 11-ին, Ազգային ժողովում Կառավարություն-ԱԺ հարցուպատասխանի ժամանակ պատգամավոր Արման Բաբաջանյանի հարցը վերաբերում էր Ամուլսարին. «Պարոն վարչապետ, ինչո՞ւ եք պատասխանատվություն ստանձնում նախորդ հանցավոր ռեժիմի կողմից տրված լիցենզիայի համար՝ առանց դրա օրինականությունը քննության առնելու: Չե՞ք կարծում, որ այդպիսով դեմ եք գնում հեղափոխությամբ այդ նույն հանցավոր ռեժիմին սպասարկող կառուցակարգերը վերացնելու ձեր իսկ տված խոստմանը: Տեղյա՞կ եք, որ արդեն 2 տարի է՝ դատարանում վիճարկվում է «Լիդիանին» տրված լիցենզիան և դրա օրինականությունը»:

Ի պատասխան՝ վարչապետն ասաց. «Իմ դիրքորոշումը պետք է լինի իրավական: Ցանկացած դեպքում մենք պետք է հետամուտ լինենք ճշմարտությանը: Եթե մենք ապօրինի փակենք հանքը, վաղը ապօրինի ձևով կփակենք լրատվամիջոցը, մյուս օրը՝ արտադրամասը, էլ չեմ ասում, որ փակելուց հետո կվերցնենք մեզ: Մենք այդ ճանապարհով չենք գնում»:

Պատգամավորը հետաքրքրվեց նաև. «Պատրաստվո՞ւմ եք իրավաքաղաքական գնահատական տալ անցած 20 տարիներին, որով կլուծվի նաև «Լիդիանի» խնդիրը և ճշմարտության հասնելու Ձեր նպատակադրումը»:

Ի պատասխան՝ վարչապետն ասաց. «Բա գնահատականը պոզով-պոչո՞վ է լինում, տասնյակ մարդիկ ներգրավված են որպես մեղադրայ, և դեռ տասնյակ մարդիկ էլ ներգրավվելու են»:

 

Մանրամասները՝ տեսանյութում:

  • Դիտումներ՝ *