Լուրեր
Պարոն Բաբաջանյան, եթե մեխանիզմ գիտեք, ինձ թվում է՝ շատերը կուզենան լսել. Վիկտոր Ենգիբարյան
  • 15:46
  • 2019-09-11
  • Դիտումներ՝ *

Այսօր՝ սեպտեմբերի 11-ին, Ազգային ժողովը շարունակում է աշխատանքները:

Ի պատասխան պատգամավոր Արման Բաբաջանյանի հայտարարության՝ «Իմ քայլը» խմբակցության պատգամավոր Վիկտոր Ենգիբարյանը հիշեցրեց, թե ինչպես էին նախկին խորհրդարանում ընդունվում օրենքները, երբ պատգամավորները միմյանց կոճակ էին սեղմում. «Եվ ընդունվում էին օրենքներ, որոնցով մենք մինչև հիմա էլ ապրում ենք: Դուք պատկերացնում եք իրավիճակ, երբ գործող իշխանությունը հայտարարեր՝ վերջ, Հայաստանում այլևս օրենքներ չպետք է լինեն, որովհետև կոճակներ են սեղմվել: Դա նույնն է, թե մենք բռնենք քանդենք Հյուսիսային պողոտան՝ ասելով, թե խախտումներով է կառուցվել: Լուծում է պետք»:

Դիմելով Արման Բաբաջանյանին՝ նա ասաց. «Եթե մեխանիզմ գիտեք, պարոն Բաբաջանյան, ինձ թվում է՝ շատերը կուզենան լսել»:

Վիկտոր Ենգիբարյանը հիշեցրեց, որ մենք ժողովրդավարական պետություն ենք. «Եվ մեր բոլոր գործողություններն ու ընդունած օրենքները պետք է համապատասխանեն մեր Սահմանադրությանը»:

 

Մանրամասները՝ տեսանյութում:

  • Դիտումներ՝ *