Այսօր՝ սեպտեմբերի 11-ին, Ազգային ժողովը շարունակում է աշխատանքները: Այժմ քննարկվում է ՀՀ-ի և Բելգիայի Թագավորության միջև դիվանագիտական ներկայացուցիչների և հյուպատոսական հիմնարկների անձնակազմի ընտանիքի անդամների վարձատրվող աշխատանքի վերաբերյալ համաձայնագիրը վավերացնելու մասին օրենքի նախագիծը:
«2000-ականներին բավական շատ էին այն դիվանագետները, որոնք իրենց ծառայության ընթացքում միանգամից նշյալ երկրում բնակվելու փաստաթղթեր էին ներկայացնում և հաստատվում այդ երկրում: Նրանցից շատերը այդ երկրների քաղաքացիներ են դարձել և չեն վերադարձել Հայաստան: Լոս Անջելեսում ես այդպիսի 4-5 դիվանագետներ գիտեմ: Այդ պրակտիկան արմատախիլ եղե՞լ է մեր արտաքին քաղաքական գերատեսչությունից, թե՞ ոչ»,- ԱԳ փոխնախարար Ավետ Ադոնցին հարցրեց պատգամավոր Արման Բաբաջանյանը:
Ի պատասխան՝ փոխնախարարն ասաց. «Եթե որևէ մեկը ցանկանում է փոխել իր աշխատանքն ու ամենօրյա կյանքի ոճը՝ որևէ մեկը չի կարող սահմանափակել նրան»:
Մանրամասները՝ տեսանյութում:
