Այսօր՝ սեպտեմբերի 11-ին, Ազգային ժողովը շարունակում է աշխատանքները: Այժմ քննարկվում է Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին օրենքի նախագիծը 1-ին ընթերցմամբ ընդունելու մասին հարցը:
Անդրադառնալով տատիկի խնդրին՝ «Բարգավաճ Հայաստան» խմբակցության պատգամավոր Միքայել Մելքումյանը, դիմելով Կադաստրի կոմիտեի ղեկավար Սարհատ Պետրոսյանին, ասաց. «Դուք ասում եք, որ տատիկի գույքը կհաշվարկվի, բայց ինքը չի վճարի, և հենց գա վաճառքի ժամանակը, նոր էդ արժեքից կհանվի և կգնա պետբյուջե: Դա շատ բարդ բան է: Այսինքն՝ ընթացքում տատիկի վրա էդ բեռը կախվելու է , ի՞նչ է լինելու, տատիկի իրավահաջո՞րդն է գալու»:
Պատգամավորը ընդգծեց՝ նախորդ փուլում մենք ունեինք «Պողոս» հասկացություն, հիմա բերում ենք «տատիկ» հասկացություն:
Մանրամասները՝ տեսանյութում: