Այսօր՝ սեպտեմբերի 11-ին, Ազգային ժողովը շարունակում է աշխատանքները: Այժմ քննարկվում է Տոների և հիշատակի օրերի մասին օրենքում լրացում կատարելու մասին օրենքի նախագիծը 1-ին ընթերցմամբ ընդունելու մասին հարցը:
ԱԻ նախարարությունն առաջարկում է դեկտեմբերի 7-ը նշել որպես Երկրաշարժի զոհերի հիշատակի և աղետների դիմակայունության օր:
ԱԺ պետաիրավական հարցերի հանձնաժողովի նախագահ Վլադիմիր Վարդանյանին զարմացրեց, որ այս հարցը դարձավ լայն քննարկման առարկա:
«Մոռանում ենք, որ դեկտեմբերի 7-ը դարձավ աղետների դեմ միջազգային համագործակցության կարևորագույն հարթակ: Դա առաջին դեպքն էր, երբ Խորհրդային Միությունն ընդունեց միջազգային օգնություն, ընդ որում՝ նաև այն պետություններից, որոնց հետ չուներ դիվանագիտական հարաբերություններ»,- նշեց նա:
Վլադիմիր Վարդանյանի խոսքով՝ փորձ է կատարվում Սպիտակի աղետալի երկրաշարժի օրը միջազգայնացնել:
Մանրամասները՝ տեսանյութում:
