Apple կորպորացիան սեփական շնորհանդեսի շրջանակում ներկայացրել է նոր «բյուջետային» iPhone 11-ը: Միջոցառման հեռարձակումն իրականացվել է ընկերության կայքում:
Ինչպես և սպասվում էր, սմարթֆոնն ունի երկու ուլտրալայնանկյուն տեսախցիկ. հիմնականը 12 մեգապիքսել հնարավորությամբ: Դրանից բացի, iPhone 11-ը ստացել է նկարահանման գիշերային ռեժիմ, որն աշխատում է մոտավորապես նույն կերպ, ինչպես Pixel 3-ում և այլ սմարթֆոններում: Դիմային տեսախցիկն ունի 12 մեգապիքսել հնարավորություն 4K և slow-mo տեսագրման օժանդակությամբ: Այն նաև լայնանկյուն նկարներ անելու հնարավորություն ունի. ռեժիմները փոխելու համար պարզապես անհրաժեշտ է շրջել սմարթֆոնը:
iPhone 11-ը շարունակում է iPhone Xr գիծը և ունի նույն չափսերը: Այն ունի ալյումինե պատյան և 6.1 դյույմանոց IPS էկրան՝ 1792 x 828 պիքսել հնարավորությամբ: Ընկերությունում նոր Apple A13 պրոցեսորն անվանում են «աշխարհում ամենաարագ չիպը»: IPhone Xr-ի համեմատությամբ, նոր iPhone 11-ը մեկ ժամ ավելի է աշխատում:
Հեռախոսը հասանելի կլինի վեց գույներով՝ սպիտակ, սև, դեղին, կանաչ, մանուշակագույն և կարմիր: IPhone 11-ի արժեքը 700 դոլար է:
https://www.youtube.com/watch?v=JcArHU-J5yo&feature=youtu.be