Բելառուսի նախագահ Ալեքսանդր Լուկաշենկոն Ռուսաստանի Անվտանգության խորհրդի քարտուղար Նիկոլայ Պատրուշևի հետ հանդիպման ժամանակ նրան է նվիրել բելառուսական ՊԱԿ-ի կողմից հավաքագրված նրա վերաբերյալ դոսյեն: Հանդիպման տեսանյութը հրապարակվել է BelTA լրատվական գործակալության YouTube ալիքով:
Ըստ Լուկաշենկոյի՝ դոսյեն հավաքվել է Բելառուսում Պատրուշևի ուսումնառության և աշխատանքի ընթացքում: «Հասցեներ, գաղտնաբառեր, տեսանյութեր. ամեն ինչ այստեղ է»,- ասել է Բելառուսի նախագահը: Լուկաշենկոն նշել է, որ Բելառուսում Պատրուշևի մնալու տարիներին կասկածելի ոչինչ չի եղել, և, հավանաբար, դա է պատճառը, որ Ռուսաստանի Անվտանգության խորհրդի քարտուղարը «մեծ մարդ է դարձել»: «Կարծում եմ, որ դուք հաճույքով կհիշեք այդ տարիները», – մեկնաբանել է Բելառուսի նախագահը իր նվերը:
