Այսօր՝ սեպտեմբերի 10-ին, Ազգային ժողովի հայտարարությունների ժամին «Իմ քայլը» խմբակցության պատգամավոր Հայկ Կոնջորյանը հայտարարեց. «Մենք հանրության հետ ունենք դաշինք, որ բռնությունը այլևս չպետք է լինի քաղաքական հարցերը լուծելու միջոց»:
Նրա խոսքով, սակայն, ոմանք իրենց դուրս են դնում այս դաշինքից և փորձում են բռնությամբ իրենց քաղաքական օրակարգը առաջ մղել. «Տարբեր քաղաքացիներ ենթարկվում են բռնությունների, հետապնդումների, մեկից հեռախոս են գողանում, մյուսից՝ չգիտեմ ինչ: Այս ամենի տակ երբեմն երևում են շատ տարբեր մարդկանց ականջներ… Ֆեյսբուքում յուրաքանչյուր րոպե զոհվում է հերթական գաղափարական մարտիկը: Ֆեյսբուքում մեր զոհերը մի քանի անգամ գերազանցում են սահմանին մեր ունեցած զոհերին»:
Պատգամավորի համոզմամբ՝ բոլոր սանձարձակները պիտի սանձահարվեն, բոլոր քաղաքական խելակորույսները պիտի խելքի գան՝ իրենց կամքով, թե ակամա. «Դռան տակ մնալը լինելու է ցավոտ»:
Մանրամասները՝ տեսանյութում: