Դերասան Փիրս Բրոսնանը, որը ֆրանշիզայի չորս ֆիլմերում մարմնավորել է Ջեյմս Բոնդին, հավանություն է տվել «բոնդիանայի» նոր ֆիլմի ստեղծողների 007 գործակալի դերը կնոջ փոխանցելու որոշմանը, հայտնում է The Hollywood Reporter-ը:
Բրոսնանը վստահ է, որ սուպերագենտի մասին 25-րդ ֆիլմը, որտեղ 007 գործակալին կմարմնավորի սևամորթ դերասանուհի Լաշանա Լինչը, հետաքրքիր կլինի: «Այո: 40 տարի բավականաչափ տեսանք, թե ինչպես են դա անում տղաները: Տղաներ, ճանապարհից, այդ գործը վստահեք կնոջը»,- ասել է նա:
Ֆիլմի պրեմիերան նախատեսված է 2020-ի ապրիլին:
