Այսօր՝ սեպտեմբերի 10-ին, Ազգային ժողովը շարունակում է աշխատանքները:
Այժմ քննարկվում է Վարչական իրավախախտումների վերաբերյալ օրենսգրքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու մասին հարցը:
Ինչպես նշեց ոստիկանության պետի 1-ին տեղակալ Հովհաննես Քոչարյանը՝ ՃՏՊ-ի հետևանքով զոհերի և վիրավորների թիվը սկսում է աճել. «Ակնհայտ է, որ տուգանքի չափերի բարձրացումը, որը նախորդ տարիներին խախտումներին արձագանքելու միակ գործիքն էր, այլևս ի զորու չէ նվազեցնել պատահարների թիվը և մեղմել դրանց հետևանքները»:
Ուստի ներդրվում է բալային համակարգ: Նրա խոսքով՝ վարորդական իրավունք ստանալու օրվանից 1 տարի ժամկետով տրվելու է 9 միավոր. «Եթե մեկ տարվա ընթացքում խախտումները հանգեցնում են տրված 9 միավորի սպառմանը, ապա վարորդի՝ տրանսպորտային միջոց վարելու իրավունքը 6 ամսով կասեցվելու է: Երկրորդ անգամ կրկնվելու դեպքում վարորդը զրկվելու է վարելու իրավունքից 1 տարի ժամկետով, որից հետո նա կարող է իրավունք ձեռք բերել ընդհանուր հիմունքներով»:
Հովհաննես Քոչարյանը նշեց, որ հատկապես աճել են արագության գերազանցման դեպքերը:
Մանրամասները՝ տեսանյութում: