Լուրեր
Մենք որևէ քաղաքական շարժառիթով չենք առաջնորդվելու. Փոխոստիկանապետը՝ Միքայել Մելքումյանին
  • 13:35
  • 2019-09-10
  • Դիտումներ՝ *

Այսօր՝ սեպտեմբերի 10-ին, Ազգային ժողովը շարունակում է աշխատանքները:

Այժմ քննարկվում է Ճանապարհային երթևեկության անվտանգության ապահովության մասին օրենքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու մասին հարցը:

Ի պատասխան «Բարգավաճ Հայաստան» խմբակցության պատգամավոր Միքայել Մելքումյանի հարցի՝ փոխոստիկանապետ Հովհաննես Քոչարյանը նշեց. «Քանի որ Ռուսաստանում սահմանափակումներ կան ՀՀ կողմից տրված վարորդական իրավունք կրող անձանց նկատմամբ, և չի բացառվում այլ պետություններ ևս նման սահմանափակումներ նախատեսեն, անկախ դրանից՝ դա օրենսդրական արգելքի ձևով է, թե վարչարարությունը հետաձգելու ձևով, մենք այս կարգավորումը իրավունք ունենք անելու: Պետությունը այդ հնարավորությունը եթե տա, մենք նույնը կանենք օտարերկրյա քաղաքացիների նկատմամբ»:

Նա հիշեցրեց, որ Ռուսաստանում այդ արգելքը կապում են ռուսերեն լեզվի իմացության հետ. «Մեր պարագայում մենք որևէ քաղաքական շարժառիթով չենք առաջնորդվելու»։

 

Մանրամասները՝ տեսանյութում:

  • Դիտումներ՝ *