Այսօր՝ սեպտեմբերի 10-ին, Ազգային ժողովը շարունակում է աշխատանքները:
Այժմ քննարկվում է Ճանապարհային երթևեկության անվտանգության ապահովության մասին օրենքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու մասին հարցը:
««Օպել» վարելու իրավունքի վկայականը կարող է տրամադրվել 16 տարեկանից սկսած»,- հայտարարեց Ոստիկանապետի 1-ին տեղակալ Հովհաննես Քոչարյանը:
Նրա խոսքով՝ քաղաքացիները կարող են տրանսպորտային միջոցների հետ կապված գործարքներ կատարել ոչ միայն անձամբ Ճանապարհային ոստիկանություն ներկայանալու, այլև էլեկտրոնային եղանակով՝ համացանցի միջոցով:
Ինչպես նշեց փոխոստիկանապետը՝ նոր օրենքով կարգելվի տրանսպորտային միջոցներ վարելու հետ անմիջապես կապված ձեռնարկատիրական կամ աշխատանքային գործունեությունը օտարերկրյա ազգային կամ միջազգային վարորդական վկայականներով, բացառությամբ միջազգային փոխադրումներ իրականացնելու դեպքերի։
«Կարծում եմ՝ ձեզ հայտնի է, որ ազգությամբ հայ քաղաքացիները Ռուսաստանի Դաշնությունում ունեն այս խնդիրը, և երկար ժամանակ այս խնդիրը չի լուծվում, քանի որ ռուսական իշխանությունները դեռևս օրինագծին պատշաճ ընթացք չեն տվել։ Մենք ավելի առաջ ենք ընկնում և հստակ ամրագրում ենք, որ եթե ապահովվի փոխադարձության սկզբունքը, ապա մենք ևս այս բացառությունը կանենք ԱՊՀ անդամ պետությունների քաղաքացիների նկատմամբ»,- ասաց փոխոստիկանապետը։
Մանրամասները՝ տեսանյութում: