Այսօր՝ սեպտեմբերի 10-ին, Ազգային ժողովը շարունակում է աշխատանքները:
Այժմ քննարկվում է 2002թ. հոկտեմբերի 7-ի ՀԱՊԿ իրավական կարգավիճակի մասին փոփոխություն կատարելու մասին օրենքի նախագիծը:
«Պարոն Բաբաջանյան, մեր քաղաքական ուժի և Ձեր տարբերությունն այն է, որ ըստ Ձեր կանխավարկածի՝ Հայաստանը անկարող պետություն է, իսկ մեր կանխավարկածն այն է, որ Հայաստանը ինքնիշխան պետություն է, որը չունի կաշկանդվածություն և պաշտպանելու է իր շահերը»,- դիմելով պատգամավոր Արման Բաբաջանյանին՝ ասաց ԱԺ արտաքին հարցերի հանձնաժողովի նախագահ Ռուբեն Ռուբինյանը:
Նրա խոսքով՝ Արման Բաբաջանյանը առաջնորդվում է նրանով, որ Ադրբեջանը կամ Պակիստանը կարող են մտնել ՀԱՊԿ, և մենք ոչինչ չենք կարող անել. «Մինչդեռ առանց Հայաստանի համաձայնության որևէ պետություն չի կարող դառնալ ՀԱՊԿ-ում դիտորդ, գործընկեր կամ անդամ՝ այն պարզ պատճառով, որ Հայաստանը դրան դեմ կարտահայտվի»:
Ռուբեն Ռուբինյանը հորդորեց մի կողմ թողնել Հայաստանի խեղճության և անկարողության կանխավարկածը և սկսել առաջնորդվել Հայաստանի մեծության, ինքնիշխանության և սեփական շահերը պաշտպանելու ունակության կանխավարկածով:
Մանրամասները՝ տեսանյութում:
