Լուրեր
Քոչարյանի «պիցցայակերների ակումբի» ներկայացուցիչները իմ և Սեդա Սաֆարյանի հասցեին սպառնալիքներ են ուղարկում

Ուշ երեկոյան՝ ժամը 22:30-ի սահմաններում, երկու անհայտ անձինք հարձակվել են Միջազգային և անվտանգության հարցերի հայկական ինստիտուտի (ՄԱՀՀԻ) հիմնադիր-ղեկավար Ստյոպա Սաֆարյանի վրա։ Դեպքից անմիջապես հետո Ստյոպա Սաֆարյանը զանգահարել է ոստիկանություն, ապա բացատրություն տվել միջադեպի վերաբերյալ։

Դուք նշել եք, որ հարձակում գործած անձանց նախկինում չեք ճանաչել, բայց համոզված եք՝ նրանք կապ ունեն ՀՀ երկրորդ նախագահ Ռոբերտ Քոչարյանի աջակիցների հետ։ Ձեր այս համոզմունքն ինչի՞ վրա է խարսխված․ «Առաջին լրատվական»-ի հարցին ՄԱՀՀԻ հիմնադիր-ղեկավար Ստյոպա Սաֆարյանը պատասխանեց․ «Դեպքը տեղի է ունեցել շաբաթ օրը, բայց մինչ այդ նախորդել էին որոշակի իրադարձություններ, որոնք ինձ թույլ էին տալիս շատ հստակ տեսնել, թե որ դաշտից է հարվածը։ Իսկ դեպքից բառացիորեն 12 ժամ հետո կար բավարար տեղեկատվություն այն կատարող անձանց և նրանց շրջանակների մասին, որոնք հաստատեցին այն ենթադրությունն ու կասկածը, որ, ըստ էության, գործ ունենք Ռոբերտ Քոչարյանի քաղաքական աջակիցների հետ․ թեպետ ես նրանց երբեք քաղաքական չեմ համարի։

Ի դեպ՝ ուզում եմ հիշեցնել, որ դեռևս այս տարվա վաղ գարնանը մեկ այլ ակցիա էին փորձել իրականացնել իմ շքամուտքում։ Բերել էին պաստառներ ու փորձել էին փակցնել, սակայն երբ լսել էին աշխատանքի գնացող իմ հարևանների ոտնաձայները, բոլոր այդ պաստառները վախից թողել էին շքամուտքում և հեռացել։ Առաջին միջադեպի դեպքում մենք ոչինչ չարեցինք, որովհետև դա խուլիգանական արարք էր համարվելու։

Դրանից հետո՝ մայիս-հունիս ամիսներին, տեղի ունեցավ վիրտուալ գրոհ իմ ֆեյսբուքյան էջերի վրա, և մի քանի օր շարունակ արգելափակված էին իմ երեք հիմնական էջերը, սակայն «Ֆեյսբուքի» ղեկավարության հետ ինտենսիվ նամակագրությունից և անձի նույնականացման գործընթացներն անցնելուց հետո շատ արագ ներողություն խնդրեցին «Ֆեյսբուքից» և էջերս վերականգնեցին»։

 

 

Մանրամասները՝ տեսանյութում։

  • Դիտումներ՝ *