Friday, 12 08 2022
Շինարարական այս բումը ցույց է տալիս՝ երկիրը շնչում է
Հրադադարի պահպանման ռեժիմի էական խախտումներ չեն արձանագրվել. ՊԲ
Սպառողական զամբյուղի արժեքը գերազանցում է նվազագույն աշխատավարձի չափը. «Ժողովուրդ»
Միջանցքն ավելի անհրաժեշտ է Էրդողանին, քան Ալիևին․ մեզ այդ հարցում Իրանն է աջակցում, և ոչ Ռուսաստանն ու արևմուտքը
Զինծառայողների համար նախատեսված ակումբում խաղում են նաև տարիքով ավագները. «Ժողովուրդ»
Բանակում «կրիմինալ» մթնոլորտ է․ խաղաղ պայմաններում զինվորների մահերի թիվը կտրուկ աճել է
ՀՀ տարածքում ավտոճանապարհներն անցանելի են
08:30
Live. «Առաջին լրատվական» տեղեկատվական-վերլուծական կենտրոն
Էլեկտրաէներգիայի անջատումներ են սպասվում Երևանում և մարզերում
Աննախադեպ իրավիճակ Աղավնոյում. չորս ու կես տարբերակ
N զորամիավորումում ամփոփել են առաջին կիսամյակում անձնակազմի բարոյահոգեբանական ապահովման աշխատանքները
00:50
Հնդկաստանում գետի վրա նավ է շրջվել, 20 մարդ մահացել է
N զորամասում ծառայությունն ավարտածները զորացրման հանդիսավոր միջոցառմամբ են հրաժեշտ տվել ծառայակիցներին
Ոստիկանները Դվին գյուղի տներից մեկում թմրամիջոց, հրացան ու զինամթերք են հայտնաբերել
00:25
Գերմանիայում 34 մարդ տուժել է՝ կառուսել գնացքների բախման հետևանքով
ՌԴ ԱԳՆ. Ռուս խաղաղապահներին ուղղված քննադատություններն արդարացված չեն
Ղուկասավանում, Խոյում և Մեղրաշատում շչակ է գործարկվելու
Ողբերգական դեպք՝ Երևանում. «Սուրբ Գրիգոր Լուսավորիչ» բժշկական կենտրոնի ծննդատանը երեխա է մահացել
Աղավնոյի բնակիչները չեն պատրաստվում լքել գյուղը
Ջերմաչափի ներմուծումն արգելվում է. ինչ է առաջարկում նախարարությունը
23:30
ՄԱԿ-ում անհանգստացած են Զապորժիեի ԱԷԿ-ի շուրջ ռազմական գործողություններով
Կարդիականացվի ևս 5 բուժհաստատություն. ՀՀ ԱՆ
«Առաջին» լրատվական-վերլուծական թողարկում
Ռուբինյանց փողոցի 62-ամյա բնակիչը տանը կանեփ է աճեցրել․ հայտնաբերվել է 58 բույս և 4 փաթեթ մարիխուանա
22:30
Թուրքիան պետք է իմանա, որ կրակի հետ է խաղում. ՀՀ-ում Իրանի նախկին դեսպան
Սյունիքը հատելու վտանգը դեռ առկա է. Թեհրանը հետևում է իրադրությանը Արցախում
Հայտնի է` որտեղ են հանցագործները պահել Քոքոբելյանի առևանգված հորը. ՔԿ-ն նոր մանրամասներ է հայտնում
Վախենալուն հետո կլինի, եթե քայլեր չձեռնարկվեն
Ջրափրկարարները քաղաքացիներին մոտեցրել են ափին
Պաշտոնից ազատում ՝ ՀՀ քննչական կոմիտեում

Ճամբարակի համայնքապետն ապօրինի շինարարություն է կատարում. Համայնքապետը դրա դեմ բողոքողներին տականք է անվանում

Ճամբարակ խոշորացված համայնքում կրքերը չեն հանդարտվում։ 2017 թվականին ընտրված համայնքապետը թույլ է տալիս մի շարք ապօրինություններ, որի դեմ էլ ընդդիմանում են տեղի բնակիչները։

Մասնավորապես, այս օրերին Ճամբարակի քաղաքապետարանից մոտ 10 մետր հեռավորության վրա ապօրինի շինություն է կառուցվում համայնքապետի ու նրա կողմնակիցների կողմից։ Այդ մասին «Առաջին լրատվական»-ի հետ զրույցում պատմեց տեղի բնակիչներից Օվսաննա Բարսեղյանը։

Մեր զրուցակցի խոսքով՝ այդ ապօրինի շինությունները կառուցում է համայնքապետ Վազգեն Ադամյանի կազմակերպությունը, և որպես շինանյութ օգտագործվում է «Սևան» ազգային պարկից հանված ավազը, ինչն անթույլատրելի է:

«Իրենք, երբ «Սևան» ազգային պարկից ավազ են հանում, դա նաև վաճառում են, և այս ապօրինությունը շարունակվել է տարիներ շարունակ»,- ասաց մեր զրուցակիցը՝ հավելելով, որ նախօրեին իրավապահ մարմինները ստուգումներ են իրականացրել և Շորժայի համայնքապետի գործարաններից մեկում մեծ քանակությամբ ավազ են հայտնաբերել, որը նույնպես հանված է «Սևան» ազգային պարկից։ Հայտնաբերված ավազն առգրավվել է։

Օվսաննա Բարսեղյանի խոսքով՝ իրենք անցած տարվա հոկտեմբերից պայքարում են համայնքապետի ապօրինությունների դեմ։ Այդ շինությունների թույլտվությունները ապօրինի են։ «Մենք բազմաթիվ գրություններ ենք ուղղել համայնքապետին։ Նա ծիծաղելի պատասխաններ է տալիս, թե շինարարություն չի գնում, կասեցված է։ Մենք նորից գրում ենք իրեն, լուսանկարներ և տեսանյութ ենք ուղարկում, որ շինարարությունը շարունակվում է, ինքն էլ պատասխանում է, թե չեն նկատել, որ շինարարություն է։ Մինչդեռ այդ շինարարությունը քաղաքապետարանից 10 մետր հեռավորության վրա է»,- ասաց Բարսեղյանը։

Մեր դիտարկմանը՝ ինչու այդ շինությունները չեն կարող կառուցվել, որն է խնդիրը, մեր զրուցակիցը պատասխանեց. «Իրենք պատասխանում են, որ երկու տարի առաջ տարածքը կառուցապատման իրավունքով տրամադրվել է կողմին։ Կառուցապատման իրավունքը կարգավորվում է Հողային օրենսգրքով։ Կառուցապատման իրավունք նշանակում է 60 հոդվածի ցանկում ընդգրկված հողամաս, որը չի կարող օտարվել և չի կարելի դրա վրա թաց շինարարություն իրականացնել։ Լավագույնը կարող է կառուցվել տաղավար, որը հետագայում կարելի է հեռացնել։ Բայց ուշագրավն այն է, որ այս ամենից հետո իրենք մեզ գրում են, որ տրամադրել են շինթույլտվություն։ Այսինքն՝ իրենք իրենց հակասում են»:

Բարսեղյանը հավելեց, որ իրենք ներկայումս չեն պահանջում, որ կառուցված շինությունն ապամոնտաժվի, պարզապես այն պետք է դառնա համայնքային սեփականություն։ Բայց, Օվսաննա Բարսեղյանի խոսքով, իրենք ներկայումս ամեն ինչ տանում են նրան, որ շինությունն օտարվի։

Բարսեղյանը տեղեկացրեց, որ 10-15 օր է արդեն՝ քրեական գործ կա հարուցված, որի շրջանակներում այս խնդիրները ևս ներառված են։

Ճամբարակի համայնքապետ Վազգեն Ադամյանն «Առաջին լրատվական»-ի հետ զրույցում չհերքեց, որ համայնքապետարանին կից շինարարություն է կատարվում։ Ավելին, հաստատեց նաև, որ շինարարությունը կատարվում է «Սևան» ազգային պարկից հանված ավազով, քանի որ Ճամբարակին շատ մոտ է «Սևան» ազգային պարկը:

«Մեր տարածքին մոտիկ է «Սևան» ազգային պարկի ավազը։ Միշտ է էդպես եղել, ես բան չեմ կարող ասել»,-ասաց Ադամյանը՝ հերքելով միայն, որ շինությունները ապօրինի են. «Ով ասում է, որ ապօրինի է, սուտ է ասում։ Բոլոր իրավասու կառույցները դրանով զբաղվել են, ուսումնասիրություն են կատարել և ոչ մի ապօրինի բան չեն հայտնաբերել։ Ով որ հակառակն է պնդում, դա իր անձնական կարծիքն է միայն»։

Ադամյանը նշեց, որ կառուցվողը բանկի շենք է լինելու՝ «Ակբաբանկ» է կառուցվում։

Շինարարություն իրականացնող կազմակերպությունը Ձե՞զ է պատկանում՝ հարցրինք. «Նման բան չկա։ Մարդիկ իրենք շինարարություն են անում, ես դրա հետ ոչ մի կապ չունեմ։ Ուղղակի շինարարություն անողը իմ մտերիմ ընկերն է, որին էլ էնքան զզվեցրին, որ թողեց գնաց Մոսկվա։

Մինչդեռ Մոսկվայից եկել էր, ներդրումներ էր արել։ Էդ բողոքողները, որ ժողովրդի անունից են հանդես գալիս, մարդ չեն։ Էդ բողոքողի չափերն այնքան մեծ են, երևի դրա համար է կարողանում ժողովուրդ ներկայանալ։ Ընդամենը անձնավորված ինչ-որ բան է, ոչ ավելի։ Մենք սահմանին ապրող ժողովուրդ ենք, և ցանկացած մարդ, ով շինարարություն կսկսի, ես իմ պարտքը կհամարեմ օգնել նրան։ Ճամբարակը հյուսիսային պողոտան չի, ոչ էլ Երևանն է։ Այստեղ գրեթե շինարարություն չկա»,- ասաց համայնքապետը։

Այդ դեպքում ինչո՞վ է պայմանավորված, որ տեղի բնակիչները բողոքում են, պայքարում են շինարարությունների դեմ՝ հարցրինք. «Կարճ ասեմ՝ տականք են, դրա համար։ Ով որ բողոքում է, թող իր հոր շինարարությունից բողոքի, որ մինչև այսօր ապօրինի կառույց ունեն»։

Ճամբարակի համայնքապետն ասաց, որ տեղյակ չէ «Սևան» ազգային պարկից ավազի արդյունահանման վերաբերյալ քրեական գործերին։ Միայն նշեց, որ դա բացառված չէ, կարող է և քրեական գործ լինել, բայց դա իր հետ ոչ մի կապ չունի։

Ճամբարակի քաղաքապետ Վազգեն Ադամյանը նախկինում հանրապետական էր, հետո դարձավ ԲՀԿ-ական։ Ներկայումս ներկայանում է որպես անկուսակցական, բայց սերտ կապերի մեջ է ԲՀԿ-ի հետ։ Առհասարակ Ճամբարակը ներկայումս համարվում է ԲՀԿ-ականացված:

Հ.գ մենք կապ հաստատեցինք նաև ԱԿԲԱ բանկի հետ, որտեղից մեզ փոխանցեցին, որ շինարարությունն իրենք չեն անում, այլ պայմանավորվածություն կա հետագայում վարձակալելու:

Բաժիններ
Ուղիղ
Լրահոս
Որոնում