Այսօր՝ սեպտեմբերի 10-ին, Ազգային ժողովը շարունակում է աշխատանքները:
Այժմ քննարկվում է 2002թ. հոկտեմբերի 7-ի ՀԱՊԿ իրավական կարգավիճակի մասին փոփոխություն կատարելու մասին օրենքի նախագիծը:
«Բարգավաճ Հայաստան» խմբակցության պատգամավոր Միքայել Մելքումյանը նշեց. «Այս փոփոխությունը ենթադրո՞ւմ է, որ նախկինում առանց կոնսենսուսի որևէ պետության կարող էր շնորհվել դիտորդի կարգավիճակ»:
Նրա խոսքով՝ ՀԱՊԿ անդամ մեր գործընկերները նաև զենք են վաճառում Ադրբեջանին. «Խնդրում եմ ներկայացնել վերջին փուլի դինամիկան, որ տիպի զենքերն են հարձակողական»:
Միքայել Մելքումյանը նաև հետաքրքրվեց, թե որն է դիտորդի և գործընկերոջ կարգավիճակը:
Ի պատասխան՝ ԱԳ փոխնախարար Շավարշ Քոչարյանն ասաց. «Չկա դրույթ, որ պետությունները իրավունք չունեն զենք վաճառել ՀԱՊԿ անդամ պետությանը սպառնացող 3-րդ պետությանը»:
Մանրամասները՝ տեսանյութում:
