Իրանական միջուկային ծրագրի վերաբերյալ Գործողությունների համատեղ համապարակ ծրագիրը (ԳՀՀԾ) խելամիտ այլընտրանք չունի, Մոսկվան և Փարիզը մտադիր են շարունակել համաձայնագրի պահպանանն ուղղված աշխատանքը: Այդ մասին ՌԴ ԱԳ նախարար Սերգեյ Լավրովը հայտարարել է մամուլի ասուլիսում, որը նվիրված էր երկու երկրների արտաքին գործերի և պաշտպանության նախարարությունների ղեկավարների «2+2» ձևաչափով անցկացված բանակցությունների արդյունքներին, տեղեկացնում է RIA Novosti-ն:
«Պայմանավորվեցինք շարունակել փոխգործակցությունը՝ նպատակ ունենալով պահպանել իրանական միջուկային ծրագրի վերաբերյալ Գործողությունների համատեղ համապարակ ծրագիրը: Երկուստեք համոզված ենք, որ այդ ծրագիրը խելամիտ այլընտրանք չունի,- մենք ողջունում ենք, և դա հաստատվել է նախագահ Վլադիմիր Պուտինի և Էմանուել Մակրոնի հեռախոսազրույցի ընթացքում, որը կայացել է երեկ,- մենք ողջունում ենք այն նախաձեռնությունները, որոնք Ֆրանսիան, նրա նախագահը ձեռնարկում են այնպիսի պայմանավորվածությունների հասնելու ուղղությամբ, որոնք թույլ կտան ամբողջ ծավալով պահպանել ԳՀՀԾ-ն՝ Իրանի Իսլամական հանրապետության՝ այդ ծրագրում ամրագրված օրինական տնտեսական շահերի ապահովմամբ»,-ասել է Լավրովը: