Ցանցում անվտանգության պահպանման ավստրալիական պետական հանձնաժողովը սկսել է արգելափակել այն կայքերը, որոնցում հրապարակվել է Քրայսթչերչի մզկիթներում տեղի ունեցած հրաձգությունը։ Հանձնաժողովի նախագահ Ժյուլի Ինման Գրանտի խոսքերով՝ արգելափակվել են նաև այն կայքերը, որոնք հրապարակել են ձերբակալված Բրենթոն Տարանտի մանիֆեստը, ում մեղադրում են հրաձգություն իրականացնելու մեջ։
Ներկայումս հայտնի է ութ կայքերի արգելափակման մասին։ Ինչպես նշվում է, դոմենների տերերին դրանք հեռացնելու վերաբերյալ պահանջ է ուղարկվել, սակայն նրանք հրաժարվել են։
Հրաձգությունը տեղի է ունեցել նորզելանդական Կրայսթչերչ քաղաքի մզկիթներում, մարտի 15-ին։ Արդյունքում 50 մարդ է զոհվել։ Տարանտին մեղադրել են ահաբեկչության, 51 մարդու սպանության և 40 հոգու նկատմամբ մահափորձ կատարելու մեջ։
