Լուրեր
Հայ-ռուսական հարաբերություններում կան խնդիրներ․ Ինչ սպասել Պուտինի այցից
  • 22:00
  • 2019-09-08
  • Դիտումներ՝ *

Երևանը նախապատրաստվում է հոկտեմբերի 1-ին կայանալիք ԵԱՏՄ գագաթնաժողովին։ Ամենաինտրիգային հարցն այստեղ այն է, թե Վլադիմիր Պուտինը գալո՞ւ է Հայաստան, թե՞ ոչ։

Այսօր արտգործնախարար Զոհրաբ Մնացականյանը տվեց սպառիչ պատասխան, որ ակնկալում են անդամ բոլոր երկրների ղեկավարների այցը Հայաստան, և Պուտինը հաստատել է իր ներկայությունը։ Պուտինի այցով մենք վե՞րջ ենք դնում բացասական ֆոնի մասով հայ-ռուսական հարաբերություններին․ «Առաջին լրատվական»-ի հարցին ԱԺ «Իմ քայլը» խմբակցության պատգամավոր Սոս Ավետիսյանը պատասխանեց․ «Նախ ասեմ՝ ենթադրություն կար, որ անդամ-պետությունների ղեկավարներից մեկը պետք է չգար։ Դա խոսում է այն մասին, որ հայ-ռուսական հարաբերությունների ամբողջ ընկալումը լուրջ դեզինֆորմացիոն հարձակումների են ենթարկվում։ Այդ էր պատճառը, որ այն ինտրիգային էր մնում։ Ես չեմ կարծում, որ Պուտինի այցով այդ մարդիկ կհանդարտվեն, բայց մենք պետք է կարողանանք տարբերել պայմանավորված հանդիպումները ձևավորված աղմուկից։ Երբ մենք այն կկարողանանք անել, ապա կտեսնենք, որ հայ-ռուսական հարաբերությունները չեն տուժել կոնկրետ ռազմավարական քննարկումների հարցերի շուրջ։ Այն, որ մեր հարաբերությունները պետք է փոփոխել և բարձր մակարդակի վրա հասցնել, դրանում կասկած չկա»։

Իսկ ռազմական փորձագետ Լեոնիդ Ներսիսյանն ասաց․ «Ես գտնում եմ, որ այս ոլորտում մի քիչ շատ քաղաքական միֆոլոգիա է տեղի ունեցել՝ և՛ հեղափոխությունից առաջ, և՛ հեղափոխությունից հետո։ Խոսքը վասալային և ոչ վասալային հարաբերությունների մասին է։ Տեխնիկական խնդիրներում, օրինակ, վարորդական իրավունքի հետ կապված, ինձ չի թվում, որ այն այնպիսի խնդիր է, որը կարող է շատ սրել հայ-ռուսական հարաբերությունները։ Ավելի գլոբալ հարցերով ես չեմ տեսնում, որ ինչ-որ լուրջ ձևով Հայաստանի քաղաքականությունը փոխված լինի՝ կապված ՀԱՊԿ-ի կամ ԵԱՏՄ-ի հետ։ Մենք չենք տեսնում, որ Հայաստանը կարող է լքել այդ կառույցները։ Դրա համար, այդ վասալ կամ ոչ վասալ հարցը, ինձ թվում է, որ կոռեկտ չէ»։

 

 

Մանրամասները՝ տեսանյութում։

  • Դիտումներ՝ *