Codelco չիլիական պետական ընկերության աշխատակիցները, որն աշխարհում պղնձի խոշորագույն արտադրող է, վերջին 18 տարիների ընթացքում առաջին անգամ գործադուլ են սկսել: Ինչպես հայտնում է Reuters գործակալությունը, գործադուլն արդեն հանգեցրել է արտադրության դադարեցման:
Գործադուլը կազմակերպել է պղնձի ոլորտի աշխատակիցների արհեստակցական կազմակերպություններից մեկը, որում ընդգրկված է Codelco ընկերության աշխատակիցների երեք քառորդը: Այս մասին գրում է The Economic Times-ը: Միությունում անհանգստանում են, որ կառավարության այս ոլորտի բարեփոխումների ծրագիրը կբերի աշխատատեղերի կրճատման: Ավելի վաղ հայտնվում էր, որ 2600 մարդ կազատվի աշխատանքից:
Codelco ընկերությունում դեռ մայիսին նշում էին, որ գործադուլի հետևանքով ընկերությունը կկորցնի 41 մլն դոլար: Գործադուլը կտևի մեկ օր: Reuters-ը ուշադրություն է դարձնում այն հանգամանքին, որ վերջին ժամանակահատվածում Չիլիում տեղի ունեցող գործադուլները հաճախակի բնույթ են կրում: Մասնավորապես, նախագահ Սեբաստիան Պինեյրայի դեմ բողոքի ցույց են իրականացնում ուսանողները: Պինեյրան երկիրը գլխավորել է 2010 թ.-ին: Նա համարվում է երկրի ամենահարուստ մարդկանցից մեկը: Մինչև Պինեյրան երկիրը 20 տարի կառավարել են աջակողմյան կենտրոնամետ ուժերը:
