Ռուսաստանի նախագահը կոչ է արել Կուրիլյան կղզիների պատկանելության հարցում որպես ելակետ ընդունել 1945 թվականը։ Այս մասին նա հայատարարել է Հեռավոր Արևելքի հասարակայնության ներկայացուցիչների հետ հանդիպման ժամանակ։
«Եկեք հենց դրա վրա էլ հիմնվենք, ելակետի վրա։ «Պապաշան» (Իոսիֆ Ստալինը), լրիվ վերցրեց և վերջ։ Ժողովուրդների հայրը»,– Պուտինի խոսքերն է մեջբերում ТАСС-ը։
Նրա խոսքերով, Կուրիլների հետ կապված իրավիճակում «ելակետ» կարող է լինել միայն 1945 թվականը, երբ կղզիներն անցան ԽՍՀՄ վերահսկողության տակ։
«Յոթ օվկիանոս» Ծովային նախապատրաստության կենտրոնի տնօրեն Անատոլի Շտանկոյի հետ զրույցի ժամանակ Պուտինը պատմական էքսկուրս է անցկացրել։ Շտանկոն Պուտինին հիշեցրել է XIX դարում ռուս ծովակալ և դիվանագետ Եֆիմ Պուտյատինի՝ Ճապոնիա կատարած արշավի մասին։
Նախագահը հետաքրքվել է, թե արդյոք Պուտյա՞տինը չի հանձնել կղզիները Ճապոնիային։ Ի պատասխան Շտանկոն ասել է, որ կան տարբեր ամսաթվեր։ Սակայն արդյունքում նրանք համաձայնել են, որ եթե «1945 թվականի տեսակետից մոտենալու դեպքում այլևս հարցեր էլ չեն լինի (Կուրիլյան կղզիների հետ կապված)»։