ԱՄՆ առաջնորդի՝ ազգային անվտանգության հարցերով օգնական Ջոն Բոլթոնը հայտարարել է, որ Միացյալ Նահանգները չեն պատրաստվում թուլացնել Իրանի դեմ պատժամիջոցները։ Այս մասին նա գրել է թվիթերում։
Նրա խոսքերով՝ ԱՄՆ–ն այս հարցում անդրդվելի է լինելու, քանի դեռ Թեհրանը «չի դադարում ստել և ահաբեկչություն տարածել»։
Նա պարզաբանել է, որ Իրանի համար ավելի կարևոր է Սիրիայի առաջնորդ Բաշար Ասադի արյունռուշտ ռեժիմը ֆինանսավորելը, քան իր ժողովրդի համար հոգ տանելը։