ՍԴ-ն հակասահմանադրական ճանաչեց Քոչարյանի վիճարկած երկու հոդվածներից մեկը: Այսինքն ըստ Սահմանադրական դատարանի Քոչարյանի կալանավորումը օրինաչափ չէ: Չխորանալով հարցի իրավական նրփերանգների մեջ նշենք, որ սա կառավարող ուժի ամենախոշոր պարտություններից մեկն է: Կառավարության, իրավապահ կառույցների և խորհրդարանի անգործության ու անտարբերության պայմաններում Սահմանադրական դատարանը Հրայր Թովմասյանի գլխավորությամբ շարոնակում է իր հակահեղափոխական գործունեությունը: Թաքնվելով իրավական նորմերի ետևում՝ Հրայր Թովմասյանը կազմաքանդում ու ոչնչացնում է հեղափոխության բոլոր նվաճումները՝ պարարտ հող ստեղծելով ռևանշի հնարավորության համար:
Բայց այս ամենի հետ զուգընթաց Քաղաքացիական պայմանագիրն ու կառավարության ներկայացուցիչները կամ արձակուրդի մեջ են կամ էլ անհետացել են տեսադաշտից, կարծես թե ոչինչ էլ չի եղել և ամեն ինչ հենց այսպես էլ պետք է լիներ: Մի՞թե նրանք չեն հասկանում, որ հեղափոխությունը սահուն ընթացքով շարժվում է դեպի պարտություն: Քոչարյանը հանցագործ է և նրա տեղը բանտում է, և եթե իշխանությունը չի կարողանում գլուխ հանել իրեն առաջադրված այս խնդրից, ապա կարող ենք ենթադրել, որ ընդամենը քաղաքական անհաջողակների հետ գործ ունենք:
Ի՞նչ է լինելու հետո, արդյո՞ք ժողովուրդը շարունակելու է հանդուրժել Սերժ Սարգսյանի հավատարիմ ծառա Հրայր Թովմասյանի ներկայությունը Սահմանադրական դատարանում:
