Հայտնի է վեյփերների հիվանդության հնարավոր պատճառն ԱՄՆ-ում, որի հետևանքով 2 մարդ է մահացել, հաղորդում է The Washington Post-ը:
Սննդամթերքի և դեղորայքի վերահսկողության վարչության (FDA) մասնագետները վիտամին E-ի ացետատ են հայտնաբերել վեյփի համար նախատեսված մարիխուանայի բոլոր խառնուրդներում, որոնք ծխել են հիվանդները և երկու մահացած անձինք: Նրանք խառնուրդների նմուշներ են վերցրել տարբեր նահանգների հիվանդներից:
Դեռևս վաղ է միանշանակ եզրակացություններ անելը, նշում են բժիշկները: Այնուամենայնիվ, նրանք հաստատում են, որ վիտամին E-ից ստացված տվյալ նյութը կարող է նման վնաս հասցնել օրգանիզմին: Բացի այդ, սա առաջին ընդհանուր տարրն է, որը հայտնաբերվել է բոլոր հիվանդ վեյփերների օգտագործած խառնուրդների նմուշներում:
Վիտամին E-ն իր մաքուր ձևով օգտակար է օրգանիզմի համար և հանդիպում է որոշակի մթերքների բաղադրության մեջ, օրինակ՝ նուշի: Բայց վիտամին E-ի յուղը, տոկոֆերոլի ացետատը, կարող է վտանգավոր լինել շնչելու դեպքում:
2019-ին ԱՄՆ-ի 25 նահանգում վեյփերների անբացատրելի հիվանդության 215 դեպք է գրանվել: Հիվանդության ճշգրիտ պատճառն անհայտ է:
